Олоҥхо, хомус күнэ

Өрөспүүбүлүкэ лиссиэйигэр, ахсынньы 2 күнүгэр Олоҥхо декадатын чэрчитинэн “Олоҥхо, хомус киэһэтэ” буолан ааста. Бу тэрээһиҥҥэ лиссиэй бары кылаастарыттан хомусчут, олоҥхоһут үөрэнээччилэрэ байым астаах сандалы тула мустан олорон, истээччилэри, сэргээччилэри кытта иһирэхтик кэпсэттилэр, айымньылаах дьоҕурдарын туһунан сырдаттылар. Ол курдук, Адамова Айлаана, Софронов Арчын, Захаров Влад, Игнатьева Натали, Борисов Алеша, Федоров Эдуард, Макаров Денис уонна Петухова Диана олус таһаарыылаахтык, турукка киирэн олонхолоон, хомустаан иһитиннэрдилэр. Үөрэнээччилэр, учууталлар төрөөбүт тылбыт абылаҥар куустаран, дууһалыын уйдаран, сынньанан, астынан тарҕастылар.