ИРНИТУ ыытар «Будущие лидеры Евразии» фестивалыгар Өрөспүүбүлүкэ лиссиэйиттэн 5 оҕо кытынна

Сэтинньи 11-13 күннэригэр Иркутскайдааҕы национальнай чинчийэр техническэй университет (ИрНИТУ) быйыл төрдүс сылын ыытар Аан дойдутааҕы «Будущие лидеры Евразии» диэн фестивалыгар Өрөспүүбүлүкэ лиссиэйиттэн 5 оҕо кытынна.

Арассыыйа, Кытай, Вьетнам, Индонезия, Казахстан, Узбекистан дойдуларыттан 200 кэриҥэ үрдүкү сүһүөх үөрэнээччилэрэ, туочунай наукаларга, омук тылыгар уонна онлайн куонкурустарга кытыннылар.

Ол курдук, биһиги лиссиэйбититтэн Бурцева Сайаана, Егоров Влад, Осипов Георгий — политехническэй, Слепцов Андрей, Свинобоев Артём — техническэй хайысхалаах кылаастартан кыттыыны ыллылар.

Фестиваль сүрүн сыала — олимпиада сорудахтарын нөҥүө туочунай науканы төһө билэллэрин быһаарыы уонна техническэй үөрэхтээһини киэҥник тарҕатыы буолар. Кыттааччылар математика, физика, химия, информатика, аангылыйа уонна нуучча тылын биридимиэттэригэр «Moodle» платформанан үлэлээтилэр. Барыта аангылыйа тылынан ыытылынна, ол иһин кыттааччылартан А2-В1 таһымы билэр буолаллара ирдэммитэ.

Кыайыылаахтарга сүрүн бирииһинэн буолар ИРНИТУ-га бу программаларынан босхо 12 үөрэх миэстэтэ:

— «Современные технологии электроэнергетики»;

— «Устойчивая инновационная экономика»;

— «Международный бизнес»;

— «Журналистика и коммуникации»;

— «Искусственный интеллект и информатика»;

— «Экология и охрана окружающей среды».

Фестиваль түмүгүнэн:

Бурцева Сайаана — «Third Place in Chemistry» химияҕа 3 миэстэ;

Слепцов Андрей — «Artificial Intelligence and Computer Science» (искусственный интеллект, информатика) уонна «Second Place in Information Technology» информатикаҕа 2 миэстэ;

Егоров Влад — «International Business» (международный бизнес) уонна «First Place in Mathematics» математикаҕа муҥутуур кыайыылаах буолан үөрүүбүт муҥура суох.

Оҕолорбут лиссиэйдэрин чиэһин үрдүктүк тутан, ситиһиилээхтик кыттыбыттарынан эҕэрдэлиибит, өссө үрдүк дабайыылары баҕарабыт!